ថ្មីៗក្រុមហ៊ុនរថយន្ដប្រណិត និងល្បីឈ្មោះ Volkswagen បានប្រកាសពីគម្រោងផលិតរថយន្ដអគ្គិសនីដែលមានតម្លៃទាបចាប់ផ្ដើម ចាប់ផ្ដើមពីឆ្នាំ ២០២៧ ខាងមុខនេះទៅ ដើម្បីចូលរួមក្នុងការប្រកួតប្រជែងទីផ្សារ និងរក្សាអតិថិជនរបស់ខ្លួនពីក្រុមហ៊ុនរថយន្ដផ្សេងៗទៀតដែលកំពុងបញ្ចុះតម្លៃដែរ។
យោងតាមការឲ្យដឹងពី Electrek រថយន្ដម៉ូដែលថ្មី នឹងត្រូវចេញនេះមានឈ្មោះថា VW ID 2ALL ឬ VW ID. 2all ដែលក្រុមហ៊ុនគ្រោងនឹងលក់ក្នុងតម្លៃចាប់ផ្ដើមពី ២៧០០០ ដុល្លារ ទៅ សម្រាប់ក្រុមដំបូង និងបន្ដបញ្ជុះទៅទៀតសម្រាប់ក្រុមរថយន្ដបន្ទាប់។
VW ID 2ALL (ID. 2all) នេះ ជារថយន្ដប្រភេទ Hatchback តួខ្លួនបណ្ដាយ ៤.០៥ម, ទទឹង ១.៨១ម, និងកម្ពស់ ១.៥៣ម។
វាប្រើប្រាស់ platform Modular electric drive (MEB) ថ្មីរបស់ VW ភ្ជាប់ជាមួយម៉ូទ័រអគ្គិសនីថាមពល ១៦៦kW, កម្លាំង ២២៦សេះ, ថ្មថាមពល ៣៨-៥៦ kWh, រត់បានចម្ងាយ ៤៥០គម រាល់ពេលសាកពេញម្ដង ប្រើពេល ២០ សាកបានពី ១០% ទៅ ៨០%, ជាន់ល្បឿនពី ០ទៅ ១០០គម/ម៉ ប្រើពេល ៧វិ។
ផ្នែកខាងក្នុងរចនាបែបទូលាយ មានផាសុខភាព ដោយមិនមានបរិក្ឋារស្អេកស្កះច្រើន ងាយស្រួលសម្រាប់អ្នកប្រើប្រាស់ដែលចូលចិត្តលក្ខណៈសាមញ្ញៗ ក៏ប៉ុន្ដែវាក៏មានភ្ជាប់និងប្រព័ន្ធបច្ចេកវិទ្យាទំនើបៗពី VW ផងដែរ ដូចជា Travel Assist, IQ.LIGHT (Electric Vehicle Route planner) ជាដើម។
ក្នុងនោះវាក៏មានភ្ជាប់ជាមួយនឹង ដំបូល panoramic sunroof, មានកៅអីម៉ាស្សា, អេក្រង់កុងទ័រ digital ទំហំ ១០.៩ អិង, អេក្រង់កម្សាន្ដ touchscreen ទំហំ ១៣អិង, មានកន្លែងសាកថ្មទូរសព្ទឥតខ្សែ, និងកន្លែងដោតឌុយ USB-C ជាដើម។
គួរបញ្ជាក់ផងដែរថា VW ID. 2all នេះ ជាម៉ូដែល ១ ក្នុងចំណោមម៉ូដែលឡានអគ្គិសនីទាំង ១០ ដែល VW គ្រោងចេញនៅឆ្នាំ ២០២៦ ឬ ២០២៧ នេះ ដែលក្រុមហ៊ុនបានបង្ហើបឲ្យដឹងថាម៉ូដែលខ្លះដូចជា ID.3, ID. Buzz, ID. 7, និង រថយន្ដបែប compact SUV ផ្សេងទៀតដែលមិនទាន់ឲ្យដឹងឈ្មោះនៅឡើយ ដេលរថយន្ដទាំងអស់នេះ គឺធ្វើយ៉ាងណាឲ្យមានតម្លៃផ្ដើមពី ២១០០០ ដុល្លារទៅ ហើយសម្រាប់ ID. 2all នឹងចេញក្នុងទីផ្សារអឺរ៉ុបដំបូងគេ ក្នុងរង្វង់ឆ្នាំ ២០២៥ នេះ។
អត្ថបទ៖ Andra
ប្រភព៖ Electrek
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
Mustang ជាឡាន Sport Car ដែលមានតម្លៃធូរ តែរូបរាងអំណាច កម្លាំងខ្លាំង បើចេះលេងថែមថយទៀត មិនចាញ់ Super Car ទេ
Chevrolet Tracker 2024 បញ្ចុះតម្លៃ 3,500ដុល្លារសល់ 2ម៉ឺនដុល្លារជាង ក្លាយជាឡានថ្មីខ្លាញ់គោតម្លៃធូរ ក្នុងចំណោមឡានថ្មីផ្សេងទៀត
BYD M6 បង្ហាញវត្តមាននៅក្នុងទីផ្សារថៃ ថ្មីៗនេះ ជាមួយតម្លៃចាប់ផ្ដើមពី ២៤ ០០០ ដុល្លារទៅ
Ford XL 2024 ជាឡាន Pick Up ថ្មីខ្លាញ់គោតម្លៃ 3ម៉ឺនដុល្លារជាង បន្ថែម ២ចំណុចពិសេសប្លែកជាងស៊េរីឆ្នាំមុន
Chevrolet Tracker 2024 បញ្ចុះតម្លៃ 3,500ដុល្លារសល់ 2ម៉ឺនដុល្លារជាង ក្លាយជាឡានថ្មីខ្លាញ់គោតម្លៃធូរ ក្នុងចំណោមឡានថ្មីផ្សេងទៀត
BYD M6 បង្ហាញវត្តមាននៅក្នុងទីផ្សារថៃ ថ្មីៗនេះ ជាមួយតម្លៃចាប់ផ្ដើមពី ២៤ ០០០ ដុល្លារទៅ
Ford XL 2024 ជាឡាន Pick Up ថ្មីខ្លាញ់គោតម្លៃ 3ម៉ឺនដុល្លារជាង បន្ថែម ២ចំណុចពិសេសប្លែកជាងស៊េរីឆ្នាំមុន
នោះ! Toyota Cambodia នាំចូល Land Cruiser Prado 250 ជំនាន់ចុងក្រោយមកកាន់ទីផ្សារស្រុកខ្មែរ កំពុងបើកទទួលកក់ហើយ